Goierriko Hitza

2007-10-10 | 11:24:34

Jauregiren mutil lagunak istripua izan du kartzelako bisitatik bueltan zetorrela

Gasteiz inguruan izan du ezbeharra

Etxeratek jakinarazi duenez, Oskarbi Jauregiren mutil lagunak astelehenean istripua izan zuen, 21.00etan, Soto del Realetik bueltan zetorrela. Autoak kalte material handiak ditu baina Zaldibiko presoaren bikotekideak ez du kalte fisikorik jasan. Etxeratek salatu duenez, "dagoeneko 12 dira sakabanaketa politikak aurten eragin dituen istripuak eta 25 dira ezbehar horiek jasan dituzten presoen senide eta lagunak".

Ez du erantzunik

2007-10-02 | 18:51:29

Biharko amaitu nahi dituzte telefonoaren haria jartzeko lanak

Guztira 200 erabiltzaile baino gehiago kaltetu ditu lapurretak

Igandean izandako telefono hariaren lapurretak 200 zaldibiar baino gehiago kaltetu ditu. Herriguneko hainbat etxe eta komertziotan, atzo arratsalderako konpondu zuten arazoa, baina herrigunetik kanpo, hainbat etxetan linearik gabe jarraitzen dute oraindik. Telefonicako langileak dagoeneko hari dira konponketa lanetan, eta enpresatik jakinarazi dutenez, gaur eta bihar artean espero dute haria konpondu eta normaltasunera itzultzea.

Ez du erantzunik

2007-09-27 | 14:38:15

Aratz Mendizabalek 4 t'erdiko txapelketa nagusian parte hartuko du

Zaldibiarrak Bengoetxea VIren aurka jokatuko du lehen partida

Gaur goizean aurkeztu dute 4 t'erdiko txapelketa nagusia Bilbon. Guztira, 20 pilotarik parte hartuko dute, 10 Asegarcekoak eta 10 Aspekoak. Txapelketa urriaren 6an hasiko da eta abenduaren 2an jokatuko da finala. Edizio berri honetako berrikuntzen artean dago Aratz Mendizabal zaldibiar gaztea. Final hamaseirenetan hasi beharko du, 'A' multzoan. Aurreneko norgehiagoka, Bengoetxea VI.rekin jokatuko du zaldibiarrak. Gaur bertan egindako adierazpenetan, txapelketarako bere helburua "lan txukun bat" egitea izango dela azaldu du Mendizabalek.

Erantzun 1

2007-06-18 | 13:21:27

Bi alderdien adostasunak beharko dituen Udala osatu dute Zaldibian

Aralarrek lau zinegotzi hartu ditu eta EAE-ANVrekin adostuta hartu beharko ditu erabakiak

Udal hauteskundeetan Aralar eta EAE-ANV alderdiek bototan berdindu ondoren, azkenean adostasunera iritsi dira bi aldeak, Udala nola gestionatu erabakitzeko. Gaur eguerdiko 12:00etan egin duten udalbatzan jakinarazi dutenez, Aralarrek 4 zinegotzi hartuko ditu; honenbestez, EAE-ANVrekin adostu beharko ditu erabaki guztiak. Bi aldeek, aurrerantzean "adostasuna eta elkarlana" ezinbestekoak izango direla zehaztu dute. Udalbatzan, hainbat herritarrek protesta egin dute gainera, "demokrazia zero" zioten kartelekin. Prentsa eta komunikabide asko gerturatu dira Zaldibiako kasua ezagutzera.

• Aralar: "Udalaren kudeaketa zaila baina interesgarria izango da"
• EAE-ANV: "Aurrerantzean, elkarlana eta adostasuna izango dira lanerako erremintak"

Ez du erantzunik

2007-02-13 | 18:41:58

Ahozko epaiketa bukatuta, azken epaiaren zain gelditu dira auzipetuak

Bigarren saioa izan dute gaur Auzitegi Nazionalean Zaldibiako udal talde ohia osatzen zuten 9 kideek

Zaldibiako bederatzi hautetsi ohien kontrako epaiketaren ahozko saioa gaur bukatu da. Orain, auzipetuak epaiaren zain geldituko dira. Jokin Zubeldia Zaldibiako alkate ohiako HITZAri adierazi dionez, Iñigo Iruin abokatuak "lan handia" egin du gaurko saioan, eta "juridikoki epaiketa irabazteko arrazoiak" badaudela nabarmendu du, fiskaltzak ere ez duelako "froga argirik" aurkeztu. Bestalde, Xabier Mendiguren aditu moduan joan da, defentsak hala eskatuta, euskarazko 'seme kutun' eta gaztelaniazko 'hijo predilecto' adieren arteko aldea azaltzera. Bederatzi auzipetuak etxerako bidean dira dagoeneko.

Ez du erantzunik

2007-02-09 | 13:24:46

Hasi da Zaldibiako udal talde ohiaren kontrako epaiketa

Fiskaltzak 16 hilabeteko kartzela zigorra eskatzen du auzipetuentzat; AVTk 5 urtekoa

Gaur goizean hasi da Zaldibiako udal talde ohiaren kontrako epaiketa Espainiako Auzitegi Nazionalean. Bederatzi hautetsi ohiei, "terrorismoa goratzea" egozten diete, Hodei Galarraga zaldibiarra "herriko seme kutun" izendatu zutelako. Fiskaltzak 16 urteko kartzela zigorra eskatzen du bederatzi lagunentzat. AVT biktimen elkarteak berriz, 5 urteko kartzela eskatu du.

• Auzipetuek ezker abertzalearen eta Zaldibiako udalaren babesa jaso dute
• Epaileak ezezkoa eman dio epaiketa Donostian egiteko eskaerari
• Itzultzaile bat eramango dute epaiketara, 'herriko seme kutun' adiera azaltzeko

Ez du erantzunik

2007-01-18 | 18:47:25

Gizonezko bat atxilotu dute Zaldibiako enpresa batean lapurreta egiten saiatzeagatik

Atxilotua, M.S. izeneko 46 urteko gizonezkoa da

Ertzaintzak gizonezko bat atxilotu zuen atzo goizaldean, Zaldibiako enpresa batean lapurreta egiten saiatu ondoren. Ertzaintzako iturriek jakinarazi dutenez, atxilotua, 46 urteko M.S. da. Tolosako Guardiako Espaitegiaren esku utzi zuten gizonezkoa, atzo.

Ez du erantzunik

2007-01-10 | 15:51:56

Arrantza eskola ireki dute Arkakan

Ikastaroak eta txapelketak antolatuko dituzte, argindar zentral zaharreko urtegian jarri dute

Gaur egin dute Arkakako Arrantza Eskolaren irekiera ekitaldi ofiziala Zaldibian. Eskola hau, beste bi egitasmo bilduko dituen proiektu baten zatia da. Izan ere, Arkakako gunean uraren interpretazio zentroa eta herriraino joango den herribidea egiteko asmoa dute. Arrantza Eskola egokitzeko lanak egiteko, 268 mila euroko aurrekontua izan dute, zatirik handiena Gipuzkoako Foru Aldundiak jarri duelarik.

Ez du erantzunik