Goierriko Hitza

Gailurrerantz mendi elkarteak asteburu pasako irteera egingo du Vignemalera

Zaldibia ðð Larunbatean joan eta igandean itzuliko dira; joan nahi dutenek, gaurkoa dute izena emateko azken eguna.

a. apalategi

Zaldibiako Gailurrerantz mendizale elkarteak Vignemal mendira asteburu pasako irteera antolatu du datozen egunetarako. Larunbat goizeko 07:30ean aterako dira Zaldibiako plazatik. Aurreneko egunean Ossoucko borda eta Bayssellanceko aterpea igaroko dituzte, hiru bat orduko ibilaldian. Bigarren egunerako, berriz, hiru aukera proposatu dituzte, Vignemalera, Pont d´Espagnera edota bietara joateko.

Bidaia horretan parte hartu nahi dutenek gaurkoa dute izena emateko azken eguna. Horretarako elkartekoekin harremanetan jarri eta bidaia ordaindu behar da; 60 euro langileek, edo 40 euro langabeek eta ikasleek.